KBK – Kantor Berita Kalimantan
Home » Wah ! Haraga Jaring di Kalsel Banaik Sampai 50 Persen
UMUM

Wah ! Haraga Jaring di Kalsel Banaik Sampai 50 Persen

KBK- Martapura : Haraga jaring atawa ujar urang jengkol di Kabupaten Banjar banaik, sabab nang sabalumannya haraga Rp 10 ribu manjadi Rp15 ribu sapuluh ribu sapuluh bigi.

Urang Banjar banyak nang katuju makan jaring, apalagi jaringnya ngitu bacacap lawan tahi lala. Karna ngitu kada sadikit urang nang bajualan jaring di Kalimantan Salatan, apalagi di Martapura wan di Banjarmasin.Umpamanya haja acil atawa julak nang bajualan di Pasar Sungai Lulut, Pasar Batuah Martapura wan di lurung sapanjang Jalan Kartak Baru Martapura.

Acil Mahani nang bajual jaring mamadahakan wayahini jaring pina kada tapi banyak lagi dipasar, karna ngitu bubuhan panjual tapaksa manaikakan haraganya, sabab tukarannya larang jua. Amun sabaluman bulan puasa tadi jar sidin haraga jaring mantah ditukar haraga Rp 8 ribu sampai Rp 10 sakilonya, tapi mun wayahini sudah sampai Rp 15 ribu.

“Karna tukarannya naik, kami naik jua haraga kami manjual,Pak ai,” jar Acil Mahani (5/6.2018).

Bubuhan panjual , nangkaya kakawalan Acil Mahani bapadah jua, nyaman bajualan jaring pas lagi haraga murah, sabab salain modal manukarnya kada banyak, nang manukar urangnya banyak.

Sabahagian Warga Kampung atawa Desa Pingaran , Kacamatan Asrambul, Kabupaten Banjar banyak nang mausahakan jaring sabagai tambahan panghasilan bagi kaluarga. Sadangkan jaring nang ada di kampung ngini ada nang datang matan hulu sungai, Palaihari, wan daerah lainnya di Kalteng, nangkaya matan Kapuas, Pulang Pisau wan lainnya.

Editor :
Penulis :

Berita Terkait

Leave a Comment