KBK – Kantor Berita Kalimantan

Mambulikakan Warik Bakantan Ka Banua Tumatan Kabun Binatang Surabaya

Image default
HABAR BAHASA BANJAR

KBK.News – Banjarbaru : Dishut Kalsel Pacangannya Mambulikakan Warik Bakantan nang ada di Kabun Binatang Surabaya ka kampung halamannya di Banua kita Kalsel, Jumahat (8/2/2019).

Di Kabun Binatang Surabaya ada 53 ikung warik bakantan nang asli matan banua kita. Hidupnya disana bakajalan, karna wadahnya halus tapi bakantannya banyak.

Maniring kahidupan bakantan nang pina ta amuh-amuh disana, makanya bubuhan Dinas Kahutanan Kalsel pacangan mambawa bulik sabarataan. Kapala Dinas Kahutanan Kalsel Hanif Faisol Nurofiq mamadahakan, gasan nang panambayan pacangan dibawa bulik 20 ikung dahulu.

“Amun sudah sampai ka banua, 20 ikung bakantan matan Surabaya ngitu kita andak di Pulau Rusa Nang ada di Waduk Riam Kanan,” ujar sidin.

Amun ujar Hanif, di Kabun Binatang Surabaya ada 53 ikung warik bakanatan, tapi wadahnya sakitar sa hektar haja. Jadi bubuhan bakantan bakajalan wan kada pas banar, makanya mun di tiring mambari kasian banar.

“Amun di Pulau Rusa luasnya sakitar 24 hektaran, wan pas banar kaadaan alamnya. Saratus ikung kawa haja manampung warik bakantan,” ucap Hanif.

Foto : wikipedia

Baca juga  Pelantikan Pejabat Dishut Kalsel Untuk Komitmen Pengelolaan Hutan Lebih Baik

Related posts

Uji KIR Keliling Dishub Banjar di Pasar dan Terminal

admin

Tips Hindari Sambaran Petir

admin

Jumlah Ikan Semakin Turun di Sungai Martapura

admin

Jasad Bripka Pajar Purnomo Ditemukan

admin

Jembatan Desa Abumbun Jaya Rusak Berat

admin

Leave a Comment