KBK – Kantor Berita Kalimantan

Musim Maunjun Lawan Bacari Iwak Di Banua

Image default
Budaya

KBK.News – Martapura : Musim maunjun lawan bacari iwak maulah buhan paiwakan wan paunjunan di Banua rami turun ka pahumaan atawa ka handil. Bubuhannya ngini basaing manangkapi iwak haruan, papuyu wan iwak sapat, Sabtu (9/2/2019).

Wayahini musim buhan paiwakan wan paunjunan. Ada nang ampah kahulu wan kahilir urang mahangkut panangkap iwak, matan unjun sampai ka tampirai. Imbah ngitu bubuhan nang bajualan umpan nangkaya kararawai, anak tabuan, anak kararangga, kodok rami jua mamutiki hujungan.

Mamasuki musim panghujan iwak di danau, sungai, pahumaan wan di handil-handil bamula katungapan. Bubuhan paiwakan wan paunjunan tahu banar ngini, bahwa iwak lagi raramiannya ditangkapi atawa diunjuni.

Junaidi nang sudah mahir maunjun kada katinggalan jua umpat maunjun iwak. Inya mangaluarakan tantaran panjang gasan unjun pair iwak haruan.

“Amun wayahini iwak haruannya baluman tapi ganal lagi, jadi aku pakai kawat nang tahalus wan umpannya kodok halus jua,” ujarnya.

Junai mamadahakan wayahini bubuhan paujunan siap banar bacari iwak, tapi nang tabanyak pas hari parai, nangkaya hari Sabtu wan Ahad. Inya mamadahakan jua, amun nang bacari iwak nangkaya mahancau, mamasang lukah, banjur, tampirai wan malalangit banyak jua urangnya.

“Di wadah kami maujun di darat sana macam – macamai cara urang manangkap iwak, tapi pang buhan paunjunan nang liwar raminya,” ujar pakacil ngini.

Foto : Michaelrisdianto.blogspot.com

Baca juga  Jumlah Ikan Semakin Turun di Sungai Martapura

Related posts

Pelantikan Pejabat Pemkab Banjar Barincit-Rincit

admin

Cara Kodim Martapura Cekal Hoax Di Media Sosial

admin

Budaya Mangapar Kayu Mulai Tersisih

admin

Berebut Lahan Hutan Lindung Liang Anggang

admin

Mambulikakan Warik Bakantan Ka Banua Tumatan Kabun Binatang Surabaya

admin

Leave a Comment