KBK – Kantor Berita Kalimantan

Padagang Pasar Ahad Kartak Hanyar Kada Hakun Bayar Restribusi

Image default
HABAR BAHASA BANJAR

Martapura : Bubuhan nang Badagang di Pasar Ahad Kartak Hanyar Maraju Wan Baniat Kada Hakun Bayar Restribusi Amun Buhan PKL Masih Bajualan Jua (12/2/2019).

Bubuhan nanga bajualan sabagai PKL (Pedagang Kaki Lima) di Pasar Ahad Kartak Hanyar dipadahakan marugiakan bubuhan nang badagang rasmi di pasar situ. Karna, maulah bubuhannya nang rasmi badagang wan dikanai retribusi kalah bajualan.

Imbah ngitu pulang bubuhan PKL ngitu nang ngaran kada rasmi kada mambayar restribusi wan manggangu jalanan. Sabab, sabahagian maampar jualannya di pinggir jalan.

Karna ngitu bubuhan PKL kada dibariakan lagi bajualan wan dirazia bubuhan Satpol PP Banjar. Tapi pang bubuhan PKL ngini masih haja ada nang mucil wan tatap haja mambuka lapak di wadah nang kada dibariakan bajualan.

Marasa muyak sudah wan kalakuan bubuhan PKL ngitu maka, bubuhan nang badagang rasmi di Pasar Ahad Kartak Hanyar maraju wan sarik. Karna ngitu bubuhannya ma ancam kada hakum mambayar restribusi amun masih haja PKL bajualan di Pasar Ahad.

Mandangar ngitu Direktur Pasar Bauntung Batuah Rusdiansyah bapandir, buhan Satpol PP wayahini tarus haja marazia PKL. Sidin baharap banar PKL kawa dibarasihi matan Pasar Ahad, karna ngitu Sat Pol PP atawa Pagar Praja tatap batugas.

“Mudahan haja sabaratan kawa mamahahi pantingnya manaati paraturan, supaya nyaman barataan jua,” ujar Rusdiansyah.

Baca juga  Duit Bansos PKH Kawa Sudah Dijuhut di ATM

Related posts

Puhun Pisang Manurun Aneh Wan Banyak Banar Buahnya

admin

Duit Bansos PKH Kawa Sudah Dijuhut di ATM

admin

Tahun Hanyar Cina Babi Tanah Wan Angpao Habang

admin

Haraga Jaring Balarang Banar

admin

HABAR BAHASA BANJAR JULAKAI

admin

Leave a Comment