Minggu nang dihadap ngini di kabupaten banjar atawa di kota martapura banyak karasmin atawa hiburan rakyat nang manampilakan budaya masyarakat banjar, misalnya urang balamut, madihin, bahadrah wan sinoman, bawayang kulit, mamanda wan banyak lagi nang lainnya. Acara karasmin nang manampayakan hiburan wan budaya banjar ngitu diadakan dalam rangka milad kasultanan banjar nang ka 509 .
Salain bahiburan atawa bakarasmin, ada jua acara seminar budaya m jalan sihat nang bahadiah sapida mutur wan umrah ujar humas kabupaten banjar mamadahakan wan rri. Humas kabupaten banjar mamadahakan jua hiburan rakyat banjar nang manampilakan kasanian matan budaya banjar jua ngitu dimaksutakan gasan maingatakan warga bahwa kita urang banjar baisi budaya nang kada kalah wan budaya masyarakat lain karna ngitu patut dijaga atawa dilastariyakan. Jadi mun ada hajad atawa kagiatan diusahakan banar manampilakan budaya masyarakat saurang yaitu budaya banjar,sahingga budaya banjar di kanal jua olih bubuhan ganarasi muda.