Amun Pian Handak Bajinguk Wan Maniring Pamandangan Nang Paling Langkar Wan Harat, Maka Datangi Haja Puncak Mandiangin, Ahad (20/9/2020).
Amun kada suah ka Puncak Mandiangin nang ada di Tahura Sultan Adam, baarti pian kada tahu langkar wan parunanya pamandangan disitu. Kapala haja rasa santuk lawan langit, imbah tu batis rasa bajajak di awan.
Amun pian kada parcaya kada papa, sabab nang ulun padahkan tadi lainan rukun iman, jadi bulih haja kada parcaya. Pabila sudah sampai ka Puncak Mandiangin ngini, pian kawa maniring kiwa kanan hutan nang masih hijau, langit nang biru, awan nang putih, wan hawa nang sigar.
Amun pian bamalam disitu, pas baisukan bangun guring kawa malihat matahari nang cungul bagamatan. Cahaya matahari ngitu maulah pamandangannya langkar banar, karna ngitu, pian jangan kalumpanan mambawa kodakan supaya ada jua bagagambaran.
Jadi pangrasa ulun, di Puncak Mandiangin ngini kada kalah lawan puncak Gunung Bromo. Nang nyata parak wan kada ngalih diilangi, ongkos kada banyak ha pulang.
Puncak Mandiangin ngini tamasuk wilayah Kabupaten Banjar, amun tulak kasitu tumatan Kota Banjarbaru kurang labih 25 manit haja sampai.
#SalamHungang