Baparabut piala campiun Barca linyak diudar buhan Bayern Muencen, sampai tabulirit 8 bigi masuknya bal, Sabtu (15/8/2020).
Bubuhan Tukacil Messi di Barcelona atawa Barca kada kawa bakutik di Satadiun Estadio Da Luz, Portugal. Pasalnya kiok atawa kalah baganalan, kamasukan bal ka gawang 8 bigi, mamasukan bal ka gawang musuh 2 bigi haja.
Baparabut piala campiun Barca nang malawan Bayern Muencen ngini jadi sajarah paling manyupanakan, sabab banyak banar kalah ka masukan bal. Amun salawas ngini Barca nang maulah musuh linyak, nah subuh tadi ada haja karmanya jua wan marasai kayapa rasanya linyak.
Ka kalahan ngini maulah bubuhan pamain wan pandukungnya tatangis kada babanyu mata, sabab paling basajarah banar.
Nang mangajal mamasukakan ka gawang Barcelona, Tukacik Muller 2 bigi, Julak Ivan Perisic, Serge Gnabry, Joshua Kimmich. Imbah ngitu, Pakacil Robert Lewandowski, wan Philippe Coutinho 2 bigi.
Barca kawa mamasukan 2 bigi bal ka gawang Bayern malalui Luiz Suarez, wan David Alaba nang mamasukan ka gawang saurang atawa masuknya bunuh diri.
Partandingan main bal ngini adalah babak par ampat final piala campiun. Nang baparabut manang antara Barcelona malawan Bayern Muencen. Barcelona Tim Main Bal tumatan Sapanyol, Bayern Muencen tumatan Jarman.