Kapala badan pusat satatistik parupinsi kalimantan salatan iskandar zulkarnain mamadahakan jumlah urang nang mancari gawian atawa angkatan karja di dairah kita batambah tarus saban tahunnya. Tahun ini haja jarnya angka partambahannya mancapai 2,65 parsin. Samantara ngitu jarnya nang kawa manarima urang bagawi jumlahnya kada sabanyak parsin ngitu. Artinya hal nangitu sacara kada langsung jumlah bubuhan nang manganggur atawa nang kada sing gawian batambah jua saban tahunnya didairah kita. Dipadahakan iskandar jua bahwa nang kawa manyarap banyak bubuhan tanaga karja tadi paling banyak bubuhan nang batani , bakabun nang istilah urang wayahini siktur partanian .