Calun Parasidin Amerika Sarikat Tumatan Partai Rapublik, Donald Trump pahujungannya maakui jua kalah lawan Joe Biden (Lainan Julak Abidin) Calun Parasiden tumatan Partai Damokrat, Ahad (8/11/2020).
Ngalih ditangguh jua pamilihan parasidin Amerika Sarikat, sabab nang sudah jadi haja kada kawa batahan, karna politik disana dasar kaya ngitu turun naik. Cuntuhnya haja Parasidin Donald Trump, sidin takipai olih Joe Biden, karna kalah suara.
Karna kulihan suara Joe Biden nang sing banyakan wan mangalahakan kulihan suara Donald Trump, maka sawat haja barikin kulihan suara disuruh barantat oleh Trump. Ujar Donald Trump parikinan suaranya culas wan mauntungakan Joe Biden Tumatan Partai Damokrat ngitu haja.
Maniring kulihan suara ngini Donald Trump pinanya supan banar, sabab hampir sabarataan Parasidin Amerika kawa tapilih 2 kali, sidin sakali haja.
Nang babida jalas banar antara Donald Trump lawan Joe Biden, yaitu parlakuan lawan urang nang ba agama islam. Donald Trump kada katuju lawan umat islam, tapi mun Joe Biden, mahormati umat islam wan bajanji mamparlakuakan umat islam sama haja lawan umat agama lainnya nang di Amerika Sarikat.
Foto : dutchreview.com