Tukang tambal ban garatisan buka 24 jam di simpang 4 Sungai Tabuk, Jalan Gubnur Syarkawi, gasan malayani bubuhan jamaah tumatan haulan Abah Guru Sakumpul (2/3/2020).
Sudah talu hari bubuhan relawan Haul Abah Guru Sakumpul tukang servis wan tukang tambal ban bacigiran di pinggir jalan gasa malayani jamaan haul. Maka, bubuhan nang ngarannya relawan ngini sampai 24 jam buka imbah ngitu pulang garatisan pulang.
“Kami ngini mangai buka 24 jam mambuka servis wan manambal ban. Wani kada babulikan, palingan bulik mandi wan baganti baju,” ujar salah saikung relawan (2/3/2020).
Tumatan hari jumahat tadi ratusan ribu jamaah haul Abah Guru Sakumpul nang lalu lalang di Simpang 4 Sungai Tabuk. Ada tumatan Banjarmasin, Palangkaraya, Kapuas, Sampit, Hulu Sungai, Barito Kuala, wan nang lainnya.
Salain ngitu sajumlah wadah gasan barantat di sekitar Kacamatan Sungai Tabuk ngini maadakan jua makan minum kada babayar alias garatisan ngitu. Samangat masyarakat batutulungan pas rahatan haul ngini kada kawa dilawan