Jalanan nang macet akibat jalan nang halus disasaki mutur wan sapida mutur pakacilai sudah kada tapi hiran lagi di kuta banjarmasin. Apalagi imbah dimulai pambangunan jalan nang malayang jalan ayani disimpang ngampat gatut subroto. Arah jalan sabahagian jadi baubah nang hujungnya kamacetan dijalan vitran simpang ngampat gatut subroto disaputaran pasar komplek ayani. Gasan maurai kamacetan maka lampu habang dIsimpang ngampat situ kada dinyalakan lagi olih bubuhan polisi lalulintas, tapi dipasangi tali wan panghalang lainnya supaya mutur wan sapida mutur tarus haja bagarak atawa mamutar. Tapi upaya bubuhan polisi tadi masih kurang sahingga dibantu bubuhan warga kuta banjarmasin , nang kaya bubuhan tukang ojek, tukang bica nang rancak mahadangi panumpang dIparak situ jua. Bantuan maatur lalulintas nang bubuhan warga kuta banjarmasin ngitu , imbah hanu Dibari Imbalan duit matan bubuhan pangguna jalan nang marasa tabantu jua . Salah saurang warga kuta nang umpat maatur lalu lintas nang bangaran setiawan mamadahakan ia wan bubuhan kakawananya mambantu sukarela haja, mun dibari urang duit syukur mun kada dibari kada papa jua sabab kadada paksaan atawa bapasang haraga alias tasarah urang haja jar nya
