Haraga hayam ras lawan haraga bawang habang banaik banar di pasaran di Banua kita Kalimantan Salatan (30/5/2020).

Wayahini bamacam-macam haraga barang banaikan di Banua kita di Kalimantan Salatan. Tumatan haraga gula putih sampai ka haraga hayam ras wan bawang habang taumpat jua banaik.

Haraga hayam ras haja wayahini jauh banar naiknya, misalnya pas  panambayan bulan puasa haraganya Rp 15 ribu sampai Rp 20 ribu sakilonya, tapi wayahini Rp 30 ribu.

“Wayahini haraganya Rp 30 ribu sakilonya di eceran wadah kami. Bujuran pas panambayan bulan puasa haraganya kurang pada Rp sakilonya,” jar acil Masniah, panjual hayam ras di Pasar Sungai Tabuk, Kabupatin Banjar (30/5/2020).

Manganai haraga bawang habang nang balarang, Ahmad panjual bawang habang mamadahakan, bahwa bujur haja banaik.

“Amun 2 minggu nang lalu haraganya Rp 60 ribu sakilo. Mun minggu ngini haraga bawang habang balarang lagi jadi Rp 70 ribu sakilonya,” ujar Ahmad.

[penci_related_posts title=”Berita Menarik Lainnya Klik Saja Dibawah Ini” number=”6″ style=”grid” align=”none” displayby=”recent_posts” orderby=”random”]

[penci_blockquote style=”style-1″ align=”left” author=”” font_weight=”bold” font_style=”normal”][/penci_blockquote]