Mun disurabaya buhaya nang bakalahi wan iwak hiu. Tapi mun di muhara kuwin nang bakalahi iwak sambilang malawan Puraca. Pian kawalah manangguhi nang mana nang manang ?
Kisah pas rahatan urang raramiannya di pasar tarapung/ taapung di kuin saikung puraca nang awak ganal maintai iwak sambilang nang awaknya pina talamak sadikit. Iwak sambilang ngitu kada singhaja tamasuki wilayah Puraca nang Ganas . Malihat sambilang nang masuk ka wilayahnya si puraca sasahi iwak sambilang , iwak sambilang takajut Tapi kada sawat lagi bukah lalu bahantamai… , imbah bapuntal akhirnya kalah iwak sambilang . Pas iwak sambilang lingah ditaguk olih siPuraca. Pas didalam muntung puraca, mamakai tanaga nang sisa sadikit Iwak sambilang mangaluarakan jurus pamungkas mambuka pantingnya nang langsung tatajak di rakungan Puraca. Puraca kada kawa mancabut panting iwak sambilang, iwak sambilang kada kawa kaluar…AKHIRNYA…hasil bakalahi kaduanya draw.. Iwak sambilang mati, puraca mati jua. Kadua mayatnya ditamuakan basatu wan babau haruk olih bubuhan warga nang bajukung dipasar tarapung.