Pian tahulah bubuhan nang bajualan iwak wadi wan iwak pakasam di Pasar Barabai ngitu sabarataan tumatan Desa Mahang wan usaha turun tamurun (28/6/2020).
Amun pian singgah ka Pasar Barabai manukar apam lalu kada manukar iwak khas urang banua, nangkaya Iwak Wadi, Samu atawa Pakasam, pangrasa ulun baluman afdal. Sabab, di Pasar Barabai ngini tuyukan urang nang bajualnya.
Ada sakitaran salusin jumlah nang bajual iwak ngitu tadi, wan sabaratan urang matan sabuting kampung atawa desa haja.
“Kami nang bajualan iwak ngini sabaratan urang Mahang (nama desa),” ujar Acil Siti Zainab (28/6/2020).
Ujar sidin ngini, usaha ngini usaha turun tamurun, imbah umanya nang bajualan ditarusakan pulang olih anak atawa cucu.
“Usaha ngini sudah biasa haja wan turun tamurun di wadah kami di Mahang,” ujar Acil nang rancak dikiau Acil Iti.
[penci_related_posts title=”Berita Menarik Lainnya Klik Saja Dibawah Ini” number=”6″ style=”grid” align=”none” displayby=”recent_posts” orderby=”random”]