BANJARBARU – Imbah datangan jamaah haji kloter 17, maka ngitu jujurutan nang panghabisan di Debarkasi Banjarmasin di Bandara Syamsudin Noor Banjarmasin di Banjarbaru.
Jujurutan jamaah haji nang datang pandudian di Debarkasi Banjarmasin ngitu ada nang tumatan Banjarmasin, Banjarbaru, Banjar, Tapin, Tanah Laut, HSS, Balangan, Kotabaru, wan nang Kotawaringin Timur, Kalteng, Kamis (3/8/2023).
Kakanwil Kemenag Kalsel M Tambrin lawan buhan wartawan mamadahakan, bahwa jamaah calon haji nang barangkat atawa tulak tumatan Embarkasi Banjarmasin Tahun 2023 ngini ada 18 Kloter (Kelompok Terbang). Jumlahnya jamaah calon haji Sabarataannya ngitu 5.708 urang.
Ujar M Tambrin, jujurutan jamaah haji Kloter 18 tadahulu bulik ka Banua atawa Debarkasi Banjarmasin. Jadi Kloter 17 nang pandudian atawa panutup Debarkasi Banjarmasin.
Nang bulik ka Banua imbah ba haji di Arab Saudi kada sabarataan, ujar Pakacil Tambrin, karna ada nang maninggal dunia di sana, wan ada jua nang masih garing.
” Nang sudah bulik ka Banua 5.685
urang. Nang maninggal dunia 19 urang, wan ampat urang lagi masih ditambai di rumah sakit sana,” papadahan Kakanwil Kemenag Kalsel.