Manjalang akhir tahun biasanya rami banar urang maadakan kagiatan cuntuhnya haja , diklat ini, diklat ngitu ,rakor ini, rakor ngitu, studi banding ngini, studi banding ngitu. Imbah ngitu bubuhan dewan atawa dpr kunjugan karja kasana -sini wan banyak lagi macamnya. Kada usah ngalih bubuhan wartawan gin umpat- umpatan jua , misalnya haja rombongan wartawan nang tagabung paliputan di humas kabupatin / kota sabahagian tarabangan bapasawat dibawai bubuhan humas bajalanan kaluar dairah nang kaya ka bali, bandung, jogyakarta ,surabaya wan lainnya. Ujar pakacil utuh kagiatan samacam ngitu marupakan sudah kabiasaan akhir tahun , sidin kada hiran lagi sabab kagiatan ngitu diduga cuma gasan mahabisan anggaran nang tasisa wan kada sawat maanggunakan. Ujar pwkacil utuh mun anggaran nang ada kada kwa dihabisakan sampai akhir tahun maka tahun dudi atawa nang dihadap pacangan dipotong anggarannya alias dikurangi sabab kada mampu jua manggunakannya. Gasan ngitu sidin bapasan supaya parancanaan anggaran wan palaksanaannya ngitu harus sasuai wan nang pasti harus bamanfaat gasan masyarakat kada mun hanya bamanfaat gasan pribadi atawa kalompoknya haja