![](https://kbk.news/wp-content/uploads/2022/01/Screenshot_2022-01-29-12-47-28-40_99c04817c0de5652397fc8b56c3b3817.jpg)
MARTAPURA – Mambari maras banar buhan nang bawarung di tarminal Pasar Batuah Martapura, karna sunyi labih saparu nang tutup wan tapaksa tahutang haraga siwa warung, Sabtu (28/1/2022).
Sakitar talu tahun ngini bubuhan nang bawarung di Pasar Batuah Martapura sudah marasakan ngalih banar bausaha. Karna kada tapi banyak lagi urang nang ka pasar wan singgah di warung makan atawa warung minum.
Acil Nadia nang baisi warung di Pasar Batuah mamadahakan, bausaha sudah ngalih ditambah pulang musim korona maginnya ai banyak nang kada kolehan duit.
“Imbah ngitu Haulan Abah Guru Sekumpul nang biasa manambah rami kadada digawi lagi dalaman 2 tahunan ngini. Kadimapa lagi, makanya am banyak nang tutup warung disini,” jar sidin.
Nah mun handak wan mandangar langsung ujar nang bubuhan warung, jinguki atawa tiring wan dangarakan langsung haja di video di bawah ini!