Umpat rami mahabarakan, hanyar haja pasawat tarbang ampun Sriwijaya Air SJ 128 Tagugur ka laut di parak Pulau Laki, Sabtu (9/1/2021).
Kada madia nasional haja nang mahabarakan gugurnya pasawat tarbang Sriwijaya Air SJ 128 ngini. Sabab, talihat jua habarnya di madia dairah nang kada hakun katinggalan umpat mahabarakan.
Ada nang hanyar mangisahakan kada kahilangan kuntak, ada jua nang sudah mahabarakan labih lakas. Mun nang lakas sudah sampai habar ka wadah gugurnya pasawat, imbah ngitu habarnya ngitu dibujurakan Mantri Parhubungan.
Habar nang ta hanyar haja mamadahakan wadah atawa lokasi gugurnya pasawat tarbang Sriwijaya Air ngitu di sapuran Pulau Laki, Kapulauan Saribu, Jakarta. Artinya pasawat nang mahangkut 59 ikung panumpang ngini kada lawas imbah barangkat tumatan lapangan tarbang Soekarno – Hatta handak ka Pontianak.