Makanan khas bubuhan Banjar di Banua ada nang bangaran puracit jar urang pahuluan, tapi mun di Banjarmasin ngarannya putu mayang (1/7/2020).
Banyak kakanakan di Banua kita nang wayahini kada tahu nangapa ngitu puracit atawa putu mayang. Padahal ngitu makanan nang dikatujui urang -urang tuha bahari.
Nini Amah mamadahakan, puracit ngitu diulah tumatan galapung baras, lain galapung gumbili. Imbah ngitu mamakai bayu gula habang nang bacampur banyu santan nyiur.
“Ngaran ngini Puracit jar bubuhan kita di Hulu Sungai, tapi buhan nang di Banjarmasin, Martapura, Banjarbaru manyambatnya putu mayang,” jar Nini Amah (1/7/2020).
Pakacil Suryantau (60) urang Sungai Tabuk, Kabupatin Banjar nang aslinya urang Kandangan mamadahakan puracit ngitu nyaman banar mun lagi rahatan panas atawa hanyar diulah. Apalagi amun banyu gula habangnya hangat wan bacampur santan.
“Puracit ngini nyaman wan murah haraganya. Jadi amun bahari nangini pang makanan nang dikatujui urang tuha,” jar sidin bapandir.
[penci_related_posts title=”Berita Menarik Lainnya Klik Saja Dibawah Ini” number=”6″ style=”grid” align=”none” displayby=”recent_posts” orderby=”random”]