Sahbirin wayahini rami bajualan burung tatapayan ka Banjarmasin. Sidin ngini manukar jua lawan urang nang kolehan mamasang jabak di pahumaan (11/7/2020).
Urang sibuk lawan acil virus corona, pakacil Sahbirin kada tapi bagaduh wan tatap haja bausaha bacari rajaki. Sidin ngini saban hari tatap haja jadi buhan paiwakan atawa bajualan iwak wan lainan pahayaman.
https://youtu.be/sk8zIP5ew2s
Kada sahibar bajualan Iwak, Pakacil Sahbirin nang ngarannya sama lawan Gubnur Kalsel ngini bajualan burung tatapayan jua.
“Alhamdulillah haraganya murah haja ulun batukar Rp 4 ribua saikung. Mun manjual nyaman haja di Banjarmasin,” ujar sidin (11/7/2020).
Sahbirin mamadahakan, di Banjar (Banjarmasin) banyak haja urang nang katuju lauk makan burung tatapayan. Imbah ngitu jar Sahbirin, jaka ada burung balibis gin rami urang mancari, tapi halin.
“Burung tatapayan ngini gasan lauk makan, amun sudah tabiasa nyaman pada hayam ras. Jaka ada burung balibis nang mahirip itik ngitu rami jua urang batukar,” Sahbirin mangisahakan.
[penci_related_posts title=”Berita Menarik Lainnya Klik Saja Dibawah Ini” number=”6″ style=”grid” align=”none” displayby=”recent_posts” orderby=”random”]