Nah Tahu lah Pian, ujar habar imbah bakas tukang pandir KPK, Febri Diansyah baampih atawa mundur tumatan KPK Sakalinya 37 urang pagawai KPK umpatan baampih jua, Sabtu (26/9/2020).
Katua KPK Nurul Ghufron mamadahakan masalah pangunduran diri atau ampihannya Febri Diansyah nang ujar habar lawan 37 urang pagawai KPK.
Ujar sidin KPK mahormati kaputusan pribadi pagawainya, tapi apapun haja alasannya, KPK ngitu kada wadah urang basantai, tapi wadah buhan pajuang antikorupsi.
Imbah ngitu, Wakil Katua Nawawi Pomolango mahabarakan, bahwa ada 37 pagawai KPK nang baampih saurangan atawa maundurkan diri. 29 urang pagawai tatap, wan 8 urang kada pagawai tatap di KPK.
Sabalumannya, Bakas Tukang Pandir KPK Febri Diansyah baampih saurang bagawi di KPK. Padahal Febri Diansyah masih manjabat Kapala Biro Humas KPK.
Alasan Febri baampih bagawi di KPK, karna parubahan kaadaan politik wan hukum. Gasan ngitu Febri mangaku barat padahal maninggalakan KPK nang dicintainya salawas ngini.
Sumbarnya : detik.com
Gambar :Ayo Bandung