Tali kabal listrik ampun PLN nang bajuluran sampai ka tanah maulah Warga Desa Melayu, di Kacamatan Martapura Timur takutan atawa gair, Jumahat (7/8/2020).
Bahaya kana satrum listrik bisa maulah urang sampai mati. Karna ngitu urang marasa takutan atawa gair pas maniring ada tali kabal listrik bajuluran sampai ka tanah.
Cuntuh haja tali kabal listrik tumatan PLN di Desa Melayu nang bajuluran atawa bajuntaian sampai ka tanah. Imbah hanu tali kabal ngini dijajaki wan diudak ulih kakanakan.
Maniring ngini, Pambakal Desa Melayu Asnan, sudah mamadahakan ka buhan PLN nang ada di Martapura. Tapi ujar sidin ngini, kadada atawa baluman ada buhan PLN nang bajinguk apalagi mambujurakannya.
“Ngini babahaya, kalo ada nang takana satrum listrik. Sudah pang dilaporakan wan buhan PLN di kanturnya di Martapura, tapi sampai wayahini baluman ada nang cungul mambaiki,” jar Pambakal Desa Melayu.