Ujian nasional gasan kakanakan sakulah lanjutan atas tahun ini , bamasalah banar karna bubuhan percetakan gasan soal ujian talambat mangirim soal ka babarapa dairah, tamasuk 13 kabupatin wan kota nang ada di Banua Kalimantan salatan. Panambayannya ujian dirancanakan hari sanayan tadi tanggal 15 april tapi tatunda sampai dua kali , pas samalam hari kamis hanyar bujur bujur kawa talaksana, itu gin soalnya kada mayu alias kurang, sahingga sapalih di fotokopi.
Ujar bubuhan kamantrian pandidikan katarlambatan pangiriman lambar soal ujian tadi karna masalah di parcitakan nang ada dibogor jawa barat wan masalah pangirimannya ka babarapa paropinsi di indonesia, tarutama kiriman ka 11 paropinsi , nang salah satunnya tadi dairah kita kalimantan salatan. Banyak Masyarakat nang manyayangakan kajadian panundaan ujian nasional wan baharap ujian nasional nang tahun dudi ada parubahan nang labih baik, kada macam tahun ini lagi.
…..