Muyak wan tuhuk dikaramputi maulah Pambakal Isah Sarik, Kartak nang ada di Sungai Puting pacangan sidin tukup tumatan tanggal 14 Oktobor ngini, Jumahat (9/10/2020).
Pangacara Badrul Ain Sanusi mamadahakan, Pambakal Isah atawa H Syahrani sudah lawas sudah basabar, akibat tanah sidin diulah kartak, tapi kadada dibayari. Padahal sudah rancak barunding lawan bubuhan Parupinsi Kalsel, nang kaya buhan Dinas PUPR, tapi kadada jua hasilnya.
“Karna kadada kajalasan jua, makanya sidin (Pambakal Isah) barancana manukup Kartak Sungai Puting ngitu,” ujarnya Badrul, Jumahat (9/10/2020).
Badrul mamadahakan jua, buhannya sudah lawas baitikat baik, nang ka hulu ka hilir maurusi supaya tanah nang diulah kartak ngitu dibayari. Ujar Pakacil Badrul, Dinas PUPR Parupinsi Kalsel dalam parkara ngini diduga bakhianat lawan bakaramput, karna ingkar janji handak mambayari.
Nah mun handak tahu salangkapnya, pian jinguk haja VIDEO Nangini
