Dinas Kasihatan Kabupatin Banjar Bakulilling Bagikan Obat Balancat Batis Wan Obat Sakit Parut Gasan Warga Di Pintang Banyu Baah, Salasa (12/1/2021).

Bubuhan patugas kasihatan tumatan Dinas Kasihatan Kabupatin Banjar turunan ka pintangan warga nang takana kacalapan, karna banyu baah.

“Patugas kasihatan kami turun bakuliling ka kampung- kampung manjinguki warga nang rahatan takana kacalapan banyu baah. Salain mamariksa kasihatan warga, patugas mambari obat gasan balancat, obat sakit parut (diare), wan mambagi¬† masker,” ujar Kapala Dinas Kasihatan Kabupatin Banjar, dr Diauddin.

Sabalumanya sudah dihabarakan, banyak warga takana panyakit nang batisnya balancatan, karna babarapa hari aur tarandam banyu haja. Sabab, bajalan di dalam rumah haja kada kawa kada bahayau banyu.

Habar nang paling hanyar ngini, bubuhan warga di Pangaron maminta tolong, karna banyak nang tapatak di rumah kada kawa kaluar, karna takurung banyu baah. Imbah tu babarapa sakulahan madrasah jadi wadah warga gasan baandah samantara atawa mangungsi.