Broken News ! Nah ! Bapala banar tangkapan Polisi matan Ditresnarkoba Polda Kalsel kawa mangacak bandar ganal narkoba janis shabu 200 kilo nang tabungkus didalam 10 karung, Kamis (6/8/2029).
Kapolda Kalsel, Irjen Pol Nico Afinta nang mandangar habar ngini manjinguki ka wadah panangkapan di panginapan di jalan Sutoyo S, Banjarmasin.
Lawan bubuhan wartawan Kapolda Kalsel mamadahakan, pas wayah panangkapan ada 10 karung nang baisi narkoba janis shabu.
“Ada 10 karung narkoba nang tadapat pas panangkapan. Saban karungnya baisi shabu sakitar 20 kiloan,” ujar Irjen Pol Nico Afinta, Kamis (6/8/2020).
Barang bukti hasil panangkapan bandar ganal ngini dihangkut ka Polda Kalsel tamasuk 4 urang tasangkanya. Bandar narkoba ganal ngini ujar Nico Afinta, tumatan jaringan Malaysia atawa Internasional.
Foto : Barian urang jua