Kantor Berita Kalimantan
Home » Haraga Umpan Kodok Balarang
BUDAYA DAERAH

Haraga Umpan Kodok Balarang

Kodok Gasan Paunjunan
Kodok Gasan Paunjunan

Haraga Umpan kodok balarang banar, tapi pang bubuhan paunjunan tatap haja manukari gasan unjun pair iwak haruan ka pahumaan.

Haraga kodok, katak atawa kurat banaik banar. Matan haraga Rp 500 saikungnya manjadi haraga Rp 1.200. Tapi pang nang ngaran hobi maunjun, haraga umpat kodok banaik kada tapi jadi parsoalan, nang panting kawa malabuh unjun pair.

FB IMG 1546050746953
Haraga Umpan Kodok Balarang

“Aku kada bagaduh haraga kodok nang panting ada urang nang bajual, daripada kada kawa mandatangi palawa paunjunan nang iwaknya baudap tarus,” ujar julak Khairuddin di Sungai Tabuk (3/8/2019).

Pakacil Kamran nang pas hari parai nang kaya Hari Sabtu ngini baucap jua, jar sidin wajar haja umpan kodok balarang, sabab ngalih jua cacariannya rahatan musim kumarau nangkaya wayahini.

“Dasar ngalih bacari kodok gasan umpan pair pas musim kumarau nih, jadi wajar haja pang haraganya balarang,” jar Pakacil Kamran.

Mun dilihat paunjunan wayahini pina bakurang, sabab banyak pahumaan nang sudah karing wan iwaknya kada tapi ada. Tapi sabahagian bubuhan paunjunan masih baisi wadah palawa nang kawa ditukui lawan kawa dilabuhi umpan kodok supaya iwak haruan manyambar.

Berita Terkait

Leave a Comment

KANTOR BERITA KALIMANTAN
KBK - Kantor Berita Kalimantan Info Khas Kalimantan