Kapala Kantor Bappeda Parupinsi Kalsel, Fajar Desira mambujurakan, bahwa ada 33 urang pagawai nang jadi anak buahnya takana virus corona atawa positif Covid-19, Sabtu (8/8/2020).
“Salawi urang dikurung gasan diubati di Balai Diklat, wan talu urang dirawat du RSUD Ulin, karna ada panyakit bawaan nang takambuh lawan Covid-19,” jar Fajar Desira.
Dari 33 urang nang takana positif virus corona ngini, ujar Kapala Bappeda saikung maninggal dunia, yaitu Sekretaris Bappeda, Hadi Purwanto. Imbah tu pulang 2 urang sudah kada lagi baubat atawa sudah wagas.
“Palayanan kantor Bappeda masih haja buka, tapi tatap mamakai paratokol kasihatan Covid-19,” ujar sidin ngini mamastiakan.