Supaya Kada Kahujanan Mahibur Masyarakat Rhoma Irama Minta Cariakan Pawang Hujan Gasan Malam Tahun Hanya 2020. Rhoma Irama Takutan jua Jimus kehujanan apalagi alat orkes sidin larang haraganya (21/12/2019)
Rhoma Irama nang pacangan maisi acara malam tahun hanyar 2020 di Jakarta, samalam sidin maminta buhan Pamarintah DKI Jakarta mangiau pawang hujan. Amun ujar Raja Dangdut ngini, sidin sudah talu tahun maisi hiburan malam tahun hanyar di DKI Jakarta, parkara hujan nang pacangan mangalihi bubuhan soneta grup ba-orkesan.
Raja Dangdut ngini baucap jua, panggung nang diulahakan panitia saban tahunnga tabuka atawa kada bahatap. Karna, wayahini musim panghujan, maka parlu jua pawang hujan.
“Pemprov DKI, Ulun harapakan manyadiakan pawang hujan nang asli,” ujar julak Rhoma Irama pas di Balairung, Pemrov DKI, Jumahat (20/12/2019).
Imbah mandangar pandiran Rhoma Irama ngitu Sekda Prov DKI, Saefullah mamadahakan wan bubuhan wartawan, bahwa sidin kadada baisi kanalan atawa tahu dimana ada pawang hujan. Gasan ngitu jar sidin ngini mudahan kada hujan labat haja.
“Kita ba-doa haja mudahan kada hujan, amun hujan jua nang garimisan haja,” jar Saefullah.
Amun badasarkan habar nang dipakulih, malam bahiburan manyambut tahun hanyar 2020 pacangan hibak banar acara di Jakarta. Imbuh ngitu pulang sadayau wan sajurut artis nang pacangan maramiakan hiburan. Ada nang dipanggung tabuka ada jua nang di lapangan tabuka.
Nah Pian tiring wan dangarakan Video Lagu Julak Rhoma Irama Nang Rahatan Kajimusan Dibawah ngini