Video Iwak Khas Urang Banjar Nang Pas Lawan Ilat Atawa Liur Bubuhan Banjar Sadunia, Nangkaya Iwak Wadi, Pakasam, Wan Iwak Samu, Salasa (22/6/2021).
Liur atawa salira ilat urang Banjar lain pada nang lain, karna kada sadikitan katuju banar wan iwak karing, Wadi, bapaja, Pakasam atawa iwak samu.
Di video ngini ditiringakan gasan buhan bubuhan pian sabaratan iwak nang dicari urang Banjar saduniaan. Iwak Wadi, Pakasam, Samu, Wadi Taraf. Ada iwak Haruan, kalacingan, Papuyu, Sapat, wan hintalu iwak.
Amun pian handak manukar iwak Wadi nangkaya ngitu ada haja di Pasar Martapura, Gambut. Nang Paling banyak urang bajualan iwak nangkaya ngini ada di Pasar Barabai, Kabupatin Hulu Sungai Tangah (HST). Mun nang banyak bajualan di Barabai ngini bubuhan tumatan Mahang.
Bida antara Pakasam wan Samu, mun Pakasam rasanya ada pina masam, amun Samu rasanya tahambar.