Minggu, September 20, 2020
Beranda BUDAYA Barabut 8 Rampun Puhun Kariwaya di Martapura

Barabut 8 Rampun Puhun Kariwaya di Martapura

Wayahini Banyak Urang Baparabut puhun kariwaya nang tasisa 8 rampun gasan baulah jukung manyubarangi Sungai Pilkada manuju ka KPU Banjar.

Gasan tulak mahadiri wan maumpati acara aruh lima tahunan sakali nang pacangan mamilih pamimpin di daerah banyak nang barabut bamacam-macam puhun kayu. Puhun kayu ngini nang saing banar dicari urang nang ganal wan banyak rampunnya.

Banyak puhun nang tumbuh di sakitaran Kota Martapura, tapi nang kawa dipakai gasan baulah jukung adanya di Kantur DPRD Banjar. Bamacam-macam puhun batanam di Kantur DPRD Banjar ngini, tapi nang taganal puhun wan tabanyaknya rampunya, yaitu kayu garindra wan kariwaya.

Baca Juga : Inilah Tiga Bakal Calon Bupati Banjar Terkuat

BACA JUGA :   Melihat Hilal Politik Bakal Calon Bupati Banjar 2020

Puhun kariwaya wan garindra ngitu ada 8 batang kayu nang cagat batanah di Kantur DPRD Banjar. Puhunnya nahap gasan baulah jukung. 8 puhun ngini masih baluman mayu gasan baulah jukung, sabab gasan pangayuh wan pananjaknya paling kada sabuting puhun lagi.

Baca Juga : Kamus Bahasa Banjar Pelestari Bahasa Ibu

Puhun nang lain nang kaya garindra wan nang lainnya sabahagian pinanya sudah ada nang manampahi, amun puhun kariwiya nang 8 rampun didangar habar masih diparabutakan.

images 37
Puhun Kariwaya (Beringin)

Tiga Urang Nang Pinanya Baparabut Puhun Kariwaya

Ujar habar nang baparabut puhun kariwiya nang tumbuh ganal di Kantur DPRD Banjar di Martapura ngitu banyak. Amun nang handak banyak pang, tapi nang nyata wan pina ada tatarawangannya 3 urang baparabut.

BACA JUGA :   Rencana Gerakan People Power Diantara Pro dan Kontra

Katiga urang ngitu sabahagian urang di Martapura atawa di Kabupatin Banjar tahu haja, yaitu H Rusli, Gusti Iskandar, wan Gusti Sulaiman Razak. Amun nang lain, nangkaya Andin, Saidi, wan Auf pina kada tadangar habar umpat barabut puhun kariwaya ngini.

Amun gasan maulah jukung supaya kawa manyubarangi sungai nang luas banar manuju Kantur KPU Banjar ngitu kada kawa kurang batang puhun. Makanya bubuhan nang handak umpat aruh pamilihan pamimpin di daerah parlu banar baisian jukung nang langkap, ada pangayuh wan pananjaknya.

Amun handak baisian jukung gasan umpat manyubarangi Sungai Pilkada ka Kantur KPU Banjar, pinanya kada kawa jua bamodal liur wara. Sabab, urang mainjami atawa maulahakan jukung kadada jua kalo nang garatisan atau parai lalu.

BACA JUGA :   Iwak Wadi dan Pakasam Di Pasar Barabai Tumatan Mahang

Siapa jua nang pahujungan kulihan jukung nang diulah matan 8 rampun puhun kariwaya ?

Amun diitihi wan ditiring-tiring siapa nang pacangan kulihan 8 rampun puhun kariwiya, pinanya H Rusli wan Gusti Iskandar taganal paluangnya. Tapi, ngitu kada kawa jua dipastiakan, sabab tagantung nang ampun tanaman nang bagana di Kantur DPP Puhun Kariwaya di Jakarta sana.

Amun bubuhan urang tuha bahari mamadahakan, puhun kariwaya kada puhun sambarangan. Imbah ngitu pulang puhun kariwaya nang ganal bisa bahantu. Amun bubuhan pian kada takuni haja padatuan pian, itu gin mun datu masih hidup jua.

1 KOMENTAR

LEAVE A REPLY

Please enter your comment!
Please enter your name here

Most Popular

Pembuatan Kapal Pesiar Termurah Di Dunia Ada Di Kalimantan

Pembuatan Kapal Pesiar Berkualitas Internasional Paling Murah Di Dunia Ada Di kalimantan Timur, Tepatnya Tepi Sungai Mahakam, Kecamatan Anggana, Kabupaten Kutai Kartanegara, Minggu (20/9/2020). Sejak...

Danramil Pahandut Berikan Pelatihan Pengelolaan Sampah

Danramil Pahandut, Kota Palangkaraya, Mayor Inf Heru Widodo Berikan Pelatihan Pengelolaan Sampah Kepada 30 Warga Di Aula Basara Kelurahan Pahandut, Jumat (18/09/2020). Pelatihan yang dihadiri...

Bajinguk Maniring Pamandangan Paling Langkar Di Banua

Amun Pian Handak Bajinguk Wan Maniring Pamandangan Nang Paling Langkar Wan Harat, Maka Datangi Haja Puncak Mandiangin, Ahad (20/9/2020). Amun kada suah ka Puncak Mandiangin...

Bagandang Nyiru Bacarian Dukungan Gasan Pilkada

Wayahini urang bagandang nyiru bacarian nang umpat mandukung pas pamilihan kapala dairah atawa pilkada, Ahad (20/9/2020). Ujar urang tahun ngini tahun pulitik atawa tahun urang...

Recent Comments

sulingan city on Video porno atau filem porno