Sabtu, Oktober 31, 2020
Beranda HABAR BAHASA BANJAR Handak Umpat Pilkada Tapi Lamah Ka Pucuk

Handak Umpat Pilkada Tapi Lamah Ka Pucuk

Sabahagian Calun Kapala Dairah Handak Umpat Pilkada 2020 Tapi Pina Lamah Ka Pucuk, Sabab Hinip Kadada Tadangar Lagi Buriniknya (1/1/2020).

Banyak urang nang handak maumpati pamilihan kapala dairah, tapi kada sabararaan nang wani hangit sampai ka pucuk. Sabab, sapalih banyak kahandak atawa pandir wara pas parak harinya kada kalihatan lalu buriniknya lagi.

Kada sedikit urang handak umpat pamilihan kapala dairah nang pacangan mamilih Gubnur, bupati wan walikota banyak nang bapadah handak bacalun jua. Karna, mandaftar di partai politik kada babayaran pina racap nang mandaftar, tapi pahujungannya hinip kadada buriniknya lagi.

Ada jua calun kapala dairah nang panambayannya karas banar handak maju umpat bacalun, tapi imbah ngitu lamah kada tadangar lagi habarnya batarus atawa baundur burit.

BACA JUGA :   Potensi Pelanggaran Pemilu Ditengah Pandemi Covid-19

Amun handak umpat bacalun kapala dairah di pilkada kada kawa mun bamodal liur wara. Sabab, ngini pamilihan nang kada gagayaan, parlu modal politik, wan nang musti jua baisian duit. Umpamanya haja manyuruh urang baulah sapanduk kada kawa lawan liur.

Pilkada 2020 di Banua Kita di Kalsel ngini, sudah talihat mana nang bubujuran handak maju, wan /nang mana cucubaan wara. Nang bubujuran ngitu kalihatan haja garakannya, mun nang cucubaan wara pina benyem wan lintuk kada badaya lalu.

Amun calun kapal dairah kada sarius atau kada bubujuran ngitu kalihatan haja kada karas sampai ka pucuk jar paribahasa urang banjar. Amun calun bupati, walikota, gubnur nang lamah ka pucuk ngitu sabaiknya kada usah diingkuti, sabab malapahi, wan manyupani relawan haja.

BACA JUGA :   Rencana Gerakan People Power Diantara Pro dan Kontra

Sabahagian calun nang hinip bapadah kada lamah ka pucuk, tapi lagi maniring wan bajinguk kaadaan haja. Ada jua nang bapadah cooling down (baranai dahulu) alias batiharap haja dahulu, karna pilkada 2020 masih panjang waktunya.

“Amun handak umpat pilkada bamodal liur, maka pacangan dapat liur jua”

Di Banua kita Kalsel ngini ada Pamilihan bupati di HST, Balangan, Kotabaru, wan di Tanahbumbu. Pamilihan walikota di Banjarmasin, di Banjarbaru, wan Pamilihan Gubnur Kalsel.

Amun manurut habar matan KPU, pamilihan kapala dairah atawa pilkada baimbaian 2020 panyucukan di TPS Tanggal 23 Saptember 2020.

KAMUS BAHASA BANJAR BISA DILIHAT DISINI

1 KOMENTAR

LEAVE A REPLY

Please enter your comment!
Please enter your name here

Most Popular

Haji Martinus – Jaya Sampaikan Visi-Misi Tidak Obral Janji

Pasangan Calon (Paslon) Wali Kota Banjarbaru Haji Martinus - Haji Darmawan Jaya Setiawan (HMJ) sampaikan visi dan misi, bukti dan pengalaman, serta tidak obral...

Haji Martinus – Jaya Komitmen Taat Aturan Tanpa Money Politics

Paslon Wali Kota Banjarbaru Haji Martinus - Jaya Komitmen Bermain Cantik, Taat Aturan dan Tanpa Money Politics, Kamis (29/10/2020). Paslon Wali Kota dan Wakil Wali...

Paslon Haji Martinus – Jaya Pilihan Rasional

Profil Paslon Wali Kota Banjarbaru Nomor Urut 3 Haji Martinus - Jaya ternyata lebih dikenal warga kota dan menjadi pilihan yang lebih baik, karena...

Musim Libur Bandara Tjilik Riwut Dipadati Penumpang

Libur Panjang Bandara Tjilik Riwut Diserbu dan Dipadati Ribuan Penumpang Yang  Berangkat Ke Luar Daerah di Pulau Jawa, Selasa (28/10/2020).  Libur bersama terhitung sejak Selasa...

Recent Comments

sulingan city on Video porno atau filem porno